Për sa i përket rrjetit te trafikantëve që u godit së fundmi, zanafilla e operacionit nisi pas informacioneve se Valter Osmani një prej të arrestuarve ishte organizator dhe personi ndërlidhës i trafikimit të armëve por edhe pas kapjes ne muajin maj te 4 personave ku brenda disa çantave u gjeten 10 pistoleta të trafikuara nga Kosova.
Për të zbardhur rrjetin e trafikut të armëve policia shqiptare ka administruar dëshminë e një prej të arrestuarve ne muajin maj të këtij viti, dhe ky informacion më pas i është dërguar autoriteteve kosovare.
Pas nisjes së hetimit për të provuar shitjet janë përdorur edhe agjentë te infiltruar.
Nga hetimi është zbuluar se armët vinin nga Turqia si armë sportive me pjesë të ndara dhe më pas në Ferizaj modifikoheshin dhe bëheshin armë zjarri.
Trafikantet përdoronin ditën e shtune dhe të diel për kalimin në kufi për të shmangur kontrollin. Është vërtetuar se shpesh herë armët e zjarrit në Kosovë shkëmbeheshin jo vetëm me para por edhe me kokaine.
Këtu futet roli i Euxhenjo Manushit i arrestuar pak ditë më parë në një operacion antidroge.
Nga hetimet rezulton se ky i fundit interesohej për armë dhe në shkëmbim jepte kokainë, shkruan abcnews.al.Hetimet kanë provuar se në disa episode ai së bashku me persona të tjerë kanë shkuar drejt Kosovës më lëndë narkotike me vete dhe në kthim ata kanë sjellë armë zjarri. Rezulton se këmbimi është bërë në disa raste edhe ne zonën e Kombinatit, ku një pistoletë këmbehej me 30-40 gram kokainë.
