Trajneri i Serbisë mbron Dusan Vlahoviq-in. Sulmuesi serb po kalon momentin më të vështirë në karrierën e tij: marrëdhënia me Motta-n është në nivelin më të ulët, dhe ardhja e Kolo Muani-t e ka ulur në stol. Megjithatë, Dusan nuk e ka humbur vendin në kombëtare, përkundrazi. Trajneri i Serbisë, Dragan Stojkoviq, e ka mbrojtur fuqishëm numrin 9 në konferencë për shtyp:
“Kam një opinion shumë të mirë dhe të lartë për Vlahoviq-in dhe cilësitë e tij. Në futboll, ndodh që ndonjëherë të përballesh me një situatë negative në klub. Nuk do të hyj në detaje dhe nuk do të komentoj pse nuk luan dhe nëse duhet të aktivizohet më shumë. Kjo është puna e tyre.”
Më pas, trajneri serb foli më konkretisht për menaxhimin e DV9, duke mos kursyer as thumbimet ndaj Juventusit dhe Thiago Motta-s:
“Çdo lojtar ka momente pozitive dhe negative në karrierë, por ne e vlerësojmë shumë Dusanin si një nga lojtarët më të rëndësishëm të ekipit tonë. Me mua ai do të luajë gjithmonë, sepse këtu ka mundësinë të tregojë se ajo që po i bëjnë nuk është e drejtë. Vlahovic përfaqëson brezit e ri që duhet të luajë për Serbinë në 10 vitet e ardhshme. Ai ka nevojë për ndihmën e shokëve të skuadrës që cilësitë e tij të dalin në pah.”s.n.
