Një aksident trafiku ka ndodhur në qytetin e Pejës, ku treni ka goditur një veturë.
Këtë e konfirmoi për lajmi.net zëdhënësi i Policisë së Kosovës për rajonin e Pejës, Dritoni Rugova.
“Rreth orës 12:20 te Dogana në Pejë ka ndodhur një aksident. Treni i udhëtarëve ka goditur një veturë, si pasojë e këtij aksidenti janë lënduar 4 persona”, ka thënë Rugova.
Ai ka bërë të ditur se policia ka dalë në vendin e ngjarjes dhe po merret me rastin.