Trepça ka shënuar fitore ndaj Sigal Prishtinës për ta marrë serinë gjysmëfinale të Plejofit me rezultat 3:1.
Tekele Cotton me 18 pikë e Mike Myers me 17 udhëhoqën mitrovicasit në Pallatin e Rinisë dhe Sporteve.
Madje ky i dyti realizoi dyshifror të dyfishtë pasi pati edhe 15 kërcime.
Në anën tjetër, 16 pikët e Ricky Tarrantit nuk mjaftuan që Prishtina të fitojë.
Kështu, kampionët në fuqi të Kosovës do të kenë shans ta mbrojnë titullin pasi janë kualifikuar në finale.
Ata në finale do të kenë punë me fituesin e serisë mes Bashkimit dhe Pejës ku prizrenasit po udhëheqin 2:1.
