Kremlini ka reaguar mëngjesin e kësaj të premteje ndaj pretendimit të Donald Trump për një takim të planifikuar me presidentin rus Vladimir Putin. Zëdhënësi i Kremlinit, Dmitry Peskov, tha se organizimi i një takimi mund të bëhet më konkret pas betimit të Trump si president i SHBA-së në fund të këtij muaji.
Peskov theksoi se Moska mirëpret gatishmërinë e Trump për të zgjidhur problemet përmes dialogut dhe e cilësoi këtë si një hap pozitiv.
“Moska ka qenë gjithmonë e hapur për kontakte me liderët ndërkombëtarë, përfshirë presidentin e SHBA-së. Presidenti Putin e ka deklaruar këtë në mënyrë të përsëritur. Për një takim nuk nevojiten parakushte, por dëshirë dhe vullnet politik të ndërsjellë,” tha Peskov, shkruan euronews.al.Ai shtoi: “Zoti Trump ka shprehur gatishmërinë për dialog, dhe ne e mirëpresim këtë. Aktualisht nuk ka specifika, por presim zhvillime pas inaugurimit të tij.”
