DONALD Trump thotë se do të “inkurajojë” Rusinë të sulmojë çdo anëtar të NATO-s, që nuk përmbush detyrimet e tij në aleancën më të madhe ushtarake perëndimore, shkruan BBC.
Ish-presidenti amerikan ka pranuar se dikur i kishte thënë kreut të NATO-s se nuk do të mbronte një komb me detyrime të papagauara nëse do të sulmohej nga Rusia.
Anëtarët e NATO-s obligohen të mbrojnë qdo komb brenda bllokut në rast se do të sulmohej. Në anën tjetër Shtëpia e Bardhë komentet e Trumpit i ka cilësuar si “të tmerrshme”.
Ai shpjegoi sesi lideri i një “vendi të madh” paraqiti një situatë hipotetike në të cilën ai nuk i përmbush detyrimet e tij financiare brenda NATO-s, por u gjend nën sulmin e Moskës.
Trump tha se ky lider e pyeti nëse Shtetet e Bashkuara do t’i vinin në ndihmë vendit të tij në atë skenar.
“Unë i thashë: “Nuk ke paguar? Ti je delikuent”, shpjegoi Trump.
