Kreu i Industrisë së Mbrojtjes së Türkiye-s, Ismail Demir njoftoi se Sistemi Kombëtar i Lëshimit të Hedhjes Vertikale (MİDLAS), në testin e tij të parë ka shkrepur me sukses raketën HISAR, transmeton Anadolu Agency (AA).
Nga llogaria e tij në median sociale, Demir postoi në video në të cilën paraqiten pamjet e testit.
Demir theksoi se janë vendosur gurët bazë të sistemeve të mbrojtjes ajrore të cilët do të lëshohen nga anijet luftarake. “Në testin e parë të tij, Sistemi Kombëtar i Lëshimit (Lançer) të Hedhjes Vertikale (MİDLAS) shkrepi me sukses raketën HISAR. Ky sistem do të hyjë në inventarin e Komandës së Forcave Detare duke u integruar në fregatën Istanbul në vitin 2023”, tha ai.
E njëjta video është ndarë edhe nga llogaria e medias sociale e Ministrisë së Mbrojtjes Kombëtare turke, në të cilën theksohet se lëshimi i parë i MİDLAS të prodhuar nga Roketsan është realizuar me sukses.
MİDLAS do t’i japë fund varësisë nga jashtë në nevojën për sisteme Lançer të hedhjes vertikale në platformat detare të Türkiye-s. “Përgëzojmë ata që kanë kontribuar në realizimin e MİDLAS dhe u urojmë vazhdimin e sukseseve. Që nga tani urojmë që MİDLAS të jetë në dobi të Forcave tona Detare”, thuhet më tej.