Profesori universitar nga Parisi, Nezir Kraki ka komentuar vizitën e Ursula von der Leyen në Ballkan, derisa tha se lajmi kryesor ishte “zgjerimi si prioritet i BE-së”.
Por Kraki shprehet se “pengesa e vetme për integrim të rajonit të Ballkanit në BE, mbetet Serbia, vend ky që ka synim zgjerimin territorial përmes ndarjes së Bosnjës dhe Kosovës”.
Prandaj profesori Kraki kërkon nga BE presion të shtuar ndaj Serbisë.
“Krejt logjikshëm i bie se Evropa duhet ta përqëndrojë presionin mbi Serbinë dhe ta qartësojë raportin me të. Pesë vendet e tjera aspiruese nuk meritojnë të mbahen peng derisa Vuçiqi të evropianizohet”, shkruan profesori Kraki në Facebook.
Postimi i plotë i proferosit Kraki në Facebook:
Lajmi kryesor i vizitës së Von Der Leyen në Ballkan ishte «zgjerimi si prioritet i BE-së».
Pengesa e vetme e një integrimi të shpejtë të Ballkanit mbetet Serbia e cila vazhdon të mos rreshtohet me parimet e vlerat evropiane. Po ashtu, Serbia është i vetmi vend në Ballkan me pretendime territoriale mbi një vend tjetër dhe kjo do të thotë se ajo më shumë synon luftë sesa integrim.
Prandaj, Evropa nuk guxon të harrojë se, derisa për Kosovën dhe për vendet e tjera integrimi mbetet synimi kryesor, Serbia synon zgjerim territorial përmes ndarjes së Bosnes dhe të Kosovës. E kjo s’mund të arrihet pa një tragjedi të re.
Krejt logjikshëm i bie se Evropa duhet ta përqëndrojë presionin mbi Serbinë dhe ta qartësojë raportin me të. Pesë vendet e tjera aspiruese nuk meritojnë të mbahen peng derisa Vuçiqi të evropianizohet.
