Presidentja e KE-së, Ursula von der Leyen, në një konferencë të përbashkët me kancelarin Scholz, pas samitit `Procesi i Berlinit`, ka folur, mes tjerash, edhe për integrimet evropiane të shteteve të Ballkanit Perëndimor.
Ajo tha se është e rëndësishme që të ketë vullnet politik për të punuar së bashku në këtë drejtim.
“Plani i rritjes është shumë i qartë, që do të thotë se nuk mund të bllokoni të tjerët dhe që duhet të punoni individualisht për të mos e bllokuar veten. Kjo dinamikë është të kuptuarit që kur të keni përfitime nga tregu i vetëm, t’i bëni detyrat e shtëpisë dhe të mos hyni në konflikt me të tjerët”, tha Von der Leyen.
Sa i përket procesit të integrimit, Von der Leyen tha se është proces i bazuar në meritë dhe si e tillë “sa më shumë vende kandidate që të lëvizin përpara, aq më mirë do të jetë, por kjo varet prej shpejtësisë dhe arritjeve që bëhen, kështu që do të shohim në fund por duhet t’ju qëndrojmë pranë parimeve që bazohen në meritë.”rtk.
