Presidenti i Serbisë, Aleksander Vuçiq, ka njoftuar se ka biseduar në telefon me presidentin e Francës, Emmanuel Macron. Presidenti serb në postimin e tij për këtë bisedë ka thënë se ka folur edhe për dialogun në mes të Kosovës dhe Serbisë dhe për kushtet në të cilat jeton komuniteti serb në Kosovë.
Vuçiq thekson se në bisedë telefonike ka thënë se dialogu duhet të zërë vend të lartë në agjendën e BE-së me një angazhim të fortë diplomatik që kërkon realizimin përfundimtar të Marrëveshjes për Noramlizim dhe formimin e Asociacionit, pa i përmendur detyrimet e Serbisë.
“Derisa Evropa po kalon një periudhë tranzicioni dhe pasigurie, unë theksova rëndësinë e vazhdimësisë në zgjidhjen e çështjeve me rëndësi për Serbinë, veçanërisht në lidhje me dhe kushtet në të cilat jeton komuniteti serb. E ritheksova se kjo çështje duhet të vazhdojë të zërë një vend të lartë në agjendën e BE-së, me angazhim të fortë diplomatik që synon realizimin përfundimtar të Marrëveshjes së Brukselit dhe formimin e Asociaconit të Komunave Serbe, si bazë për ndërtimin e paqes së qëndrueshme dhe garantimin e sigurisë. për popullin serb”, ka shkruar Vuçiq pas bisedës.
“Theksova se avokimi për dialog mbetet themeli i politikës së Serbisë në marrëdhëniet rajonale dhe faktori më i rëndësishëm në zgjidhjen e çështjeve të vështira me të cilat përballemi të gjithë ne. Prandaj i kërkova presidentit Macron që të qëndrojë pranë Serbisë në rrugën e saj të vështirë për ruajtjen e paqes dhe stabilitetit, pavarësisht nga të gjitha vështirësitë me të cilat ballafaqohet gjatë rrugës”, theksoi Vuçiq.
