Presidenti serb Aleksandar Vuçiq i propozoi opozitës që të kërkojë një referendum këshillëdhënës për shkarkimin e tij në Kuvendin e Serbisë. Këtë e ka thënë në emisionin “Cirilica” në Tv Happy, “i ftuar” me autorin famëkeq Milomir Mariq.
Rasti ishte një përgjigje për faktin se shumë demonstrues pas tragjedisë në Novi Sad, siç thotë Vuçiq, po kërkonin kokën e tij.
“Nuk do ta rrëzoni Qeverinë e Serbisë. Unë ju ofroj një zgjidhje dhe një fitore të madhe që të mos thoni sa shumicë duhet, ja na jepni 70-80 votat tuaja (në parlamentin serb) dhe ne do t’i kërkojmë popullit mendim këshillues për referendum për shkarkimin e Aleksandër Vuçiqit. Nëse 50 për qind e njerëzve pajtohen me këtë, unë nuk do të jem president i Serbisë për asnjë ditë. Betohem publikisht se atë ditë do të jap dorëheqje dhe do të mbahen zgjedhjet e reja presidenciale”, tha Vuçiq.
Ai shtoi se nuk do të jetë president nëse nuk e ka mbështetjen e popullit
“ Mund të ketë zgjedhje presidenciale dhe parlamentare. Kështu i ke zgjidhur të gjitha problemet. Këtë mund ta bëjmë në janar, mars ose maj, zgjidhni kur të doni, mos e keqtrajtoni këtë popull”, tha Vuçiq. g.e
