Zëvendëskryeministri i Serbisë, Aleksandar Vulin, ka bërë të ditur se në festën e madhe serbe Vidovdan do të mbahet në Beograd edhe festivali “Mirdita, Dobardan”, transmeton Kosova Post.
“Festivali “Mirdita,Dobardan”, e sidomos në ditën e festës së Vidovdan, është një fyerje të cilës shteti i Serbisë duhet t’i përgjigjet. Nëse shteti nuk përgjigjet, do të lë hapësirë që qytetarët të përgjigjen kësaj neverie. Po të isha në BIA apo MUP, asnjë nga pjesëmarrësit e festivalit nuk do të kishte kaluar kufirin administrativ dhe nuk do të kishte arritur të ofendonte Serbinë në Beograd. Dhe kjo është një nga arsyet pse shqetësohem aq shumë dhe ende i shqetësoj të ashtuquajturit mbrojtës perëndimorë të Kosovës”, tha zëvendëskryeministri i Republikës së Serbisë, Aleksandar Vulin, shkruan tv Happy. Festivali “Mirdita, ditë e mirë” është dashur të mbahet në Beograd nga 27 deri më 29 qershor, njoftoi më herët Iniciativa e të Rinjve për të Drejtat e Njeriut, e cila është një nga organizatorët. Festivali mbahet që nga viti 2014./Kosova Post/
