Lëvizja Vetëvendosje përmes një shkrimi në facebook ka reaguar ndaj vendimit që ka marrë sot Gjykata Supreme. Sipas VV’së, ky vendim i kundërvihet aktgjykimit të Gjykatës Kushtetuese, përcjell Kosova Post.
Tutje, VV’ja tha se lista e tyre do të garojë në këto zgjedhje.
“E pamë vendimin e fundit të Gjykatës Supreme. Ky vendim i kundërvihej aktgjykimit të Gjykatës Kushtetuese. Zgjedhjet do të mbahen më 14 shkurt, ndonëse ka përpjekje për pamundësimin e tyre. Ankesa në Gjykatën Kushtetuese do t’u jepte shpresë këtyre përpjekjeve. Lista jonë me 110 kandidatë garon në referendumin e 14 shkurtit. Vazhdojmë me aktivitetet tona drejt fitores plebishitare”.