Ministri në detyrë i Shëndetësisë, Armend Zemaj, ka bërë homazhe tek varri i Presidentit historik, dr. Ibrahim Rugova në 15 vjetorin e vdekjes së tij.
Zemaj së bashku miqtë, fëmijët e dy bashkëpunëtorëve më të afërt të dr. Rugovës, nderuan, dijetarin, intelektualin të urtin dhe arkitektin e pavarësisë së Kosovës., dr. Ibrahim Rugovën.
“Dr. Ibrahim Rugova është udhërrëfimi jonë i vetëm, ndërsa Lidhja Demokratike e Kosovës është shtëpia jonë politike”, ka shkruar Zemaj në Facebook.
Postimi i plotë:
Bashkë me miqtë e mi, Doruntinën dhe Flamurin, fëmijët e dy prej bashkëpunëtorëve më të afërt të Presidentit Rugova, Enver Malokut e Ukë Bytyqit, bëmë homazhe në 15 vjetorin e shkuarjes në amshim të Presidentit tonë historik.
Ne, jemi krenarë që u takojmë familjeve që dhanë gjithçka në luftën tonë për Kosovën, shtet të pavarur e sovran.
Dr. Ibrahim Rugova është udhërrëfimi jonë i vetëm, ndërsa Lidhja Demokratike e Kosovës është shtëpia jonë politike.
Lavdi jetës dhe veprës së Presidentit Rugova.