Sot bëhen 26 vjet që kur ndodhi Masakra e Reçakut në Kosovë.
Më 15 janar 1999 forcat policore serbe, njësitet ushtarake dhe ato paramilitare qenë futur në këtë fshat të Shtimes duke vrarë 45 civilë.
Albert Imeri, një nga të mbijetuarit e kësaj masakre, atëherë vetëm 16 vjeç, ndan sot rrëfimin e tij tronditës për ngjarjet e asaj dite.
“Na kanë zënë forcat serbe. Kam parë me sytë e mi masakrat më tragjike”, rrëfen ai, duke përshkruar momente që i kanë lënë plagë të pashlyeshme.
Imeri tregon sesi forcat serbe kanë marrë trupin e një gruaje, e cila sot e kësaj dite nuk është gjetur. “Varri i saj mbetet i hapur, trupi nuk dihet ku është”, thotë ai, në emisionin “Ora Shtatë’ në Klan Kosova.
Rrëfimi i tij bëhet edhe më i dhimbshëm kur kujton se “Të nesërmen, në orën 5 të mëngjesit, duke u ngjitur kodrës, ramë mbi kufomat e masakrës së Reçakut”, u shpreh Imeri.
Këto janë vetëm disa nga kujtimet e tij, që hedhin dritë mbi tmerret e kësaj masakre.
Për të dëgjuar rrëfimin e plotë dhe për të kuptuar më shumë mbi tragjedinë që ndryshoi historinë e Kosovës, ndiqeni videon e plotë:
