Portieri i Aston Villës, Robin Olsen është sulmuar nga tifozët pas ndeshjes kundër Manchester Cityt, të cilët hynë në fushë për të festuar titullin kampion të Premier League.
Para pak çastesh janë publikuar edhe pamjet të momentit të sulmit ndaj portierit suedez.
Ai shihet teksa është duke u larguar nga fusha pas hyrjes brenda fushës të tifozëve të Manchester Cityt, ku disa prej tyre e godasin në kokë 32-vjeçarin.
Edhe skuadra e ‘Citizens’ në faqen zyrtare të saj kishte kërkuar falje për ngjarjen dhe thuhet se është nisur hetimi për të identifikuar personin për të cilin do të shpallet një ndalim të pacaktuar për të hyrë në stadium.
City u shpall kampion me 93 pikë një më shumë se Liverpool, megjithatë kishte qenë një garë shumë interesante, ku deri në javën e fundit nuk dihej se kush do të shpallet kampion.
