Në edicionin e mbrëmshmë të emisionit “Politiko” në Televizionin “Kanal 10” u diskutua tema “Enveri i Shqipërisë dhe Enveri i Koosvës”. Temë kjo për të cilën ishin të ftuar katër mysafirë duke mos munguar edhe historiani Durim Abdullahu, raporton Kosova Post.
Në panelin e diskutimit u përfshi edhe data 29 nëntor e cila ndër të tjera nënkupton përfundimin e fashizmit dhe kur trupat e fashizimit janë larguar nga Shkodra.
Historiani, Durim Abdullahi sa i përket Enver Hoxhës se a është i Kosovës dhe Shqipërisë tha: “Le te themi se ekzistojne dy figura historike të Enver Hoxhës, një figurë historike që është disi Enveri i vërtetë për t’iu përshtatë këtij tituli që është afishu sot në studio dhe një figurë që nuk është historike por një figurë le te themi disi sociale deri dikund mitike për një perdorim të brendshëm politik që ka ekzistu në Kosovë”.
Tutje ai shtoi: “Në fakt do të ishte mirë që dikush prej historianëve të shkruaj ndoshta një lloj biografie paralele të Enverit, për këtë Enverin le të themi figurë historike, po e quajmë disi Enveri i vërtetë dhe për përceptimin mbi Enverin dhe perdorimin e figurës së tij kështu siç është bërë në Kosovë”./KosovaPost/
