Ambasadori i Izraelit në Beograd, Jahel Vilan, ka thënë se pas katër vitesh qëndrimi në Serbi, e ka kuptuar se çështja e Kosovës është një prej temave më të rëndësishme për këtë vend.
Në një intervistë për agjencinë serbe të lajmeve “Tanjug”, në përfundim të mandatit të tij si ambasador i Izraelit në Serbi, ai ka thënë se dëshiron që të ketë zgjidhje paqësore mes Kosovës dhe Serbisë.
“Si çdo vend tjetër, edhe ne do të dëshironim të shihnim një zgjidhje paqësore për çështjen e Kosovës. Por ne nuk jemi këtu për t’i dhënë këshilla Serbisë se si të veprojë në këtë çështje”, tha Vilan në këtë intervistë.
