Ministri i Bujqësisë, Faton Peci, bën të ditur se nga kontrollat e ushtruara vitin e kaluar në masën 100 për qind në shtatë Komuna të Kosovës, kanë arritur të parandalojmë mashtrime me deklarime që kapin shumën afro 2 milionë euro, përcjell Kosova Post.
Njofton për hapjen e alikimeve për subvencione, ministri Peci kërkon integritet nga fermerër, ndërsa thekson se se duke mbjellë farën e besimit e të transparencës kultivojmë të ardhme të begatë.
Tutje ai u kujton fermerëve se Ministria do të ushtrojë kontrolle strikte dhe nuk do të tolerojë mashtrime me deklarime të rrejshme.
Postimi i plotë i ministrit Peci në Facebook:
Të dashur fermerë, janë bërë më shumë se një javë nga hapja e thirrjes për subvencione për këtë vit. Nga kontrollat e ushtruara vitin e kaluar në masën 100% në 7 Komuna të Kosovës, kemi arritur të parandalojmë mashtrime me deklarime që kapin shumën afro 2 milion euro.
Më shumë se paralajmërim është lutja ime për ju që të jeni korrekt në procesin e aplikimit pasi edhe këtë vit Ministria do të ushtrojë kontrolle strikte dhe nuk do të tolerojmë mashtrime me deklarime të rrejshme.
Çdo deklarim i rrejshëm që haset, ka pasoja ligjore për ata që zihen duke bërë një gjë të tillë. Ndërsa përqafojmë ardhjen e stinës së pranverës, le të tregojmë përkushtimin tonë me ndershmëri dhe integritetit në këtë proces.
Së bashku, le të mbjellim farën e besimit dhe transparencës ndërsa kultivojmë një të ardhme të begatë për bujqësinë e Kosovës.
