Zëdhënësi i Lidhjes Demokratike të Kosovës, Besian Mustafa, në një konferencë për media tha se qytetarët LDK-ja do të jetë alternativa e vetme e besueshme për qytetarët.
“Qytetarët e dinë se kush do të bëjë më të mirën për të ardhmen e tyre dhe do të përmirësojë mirëqenien e tyre. Ata janë, kryeministri i ardhshëm Lumir Abdixhiku e lista fituese e LDK-së. Qytetarët janë të gatshëm për ndryshimin e LDK-ja do të jetë alternativa e vetme e besueshme për qytetarët. Kjo është koha e LDK-së, koha për të sjellë ndryshime reale e të prekshme në Kosovë”, tha Mustafa në këtë konferencë para gazetarëve nga ku shpalosi edhe aktivitetet e sotme zgjedhore të kandidatit për kryeministër nga LDK-ja, Lumir Abdixhiku.
