Jordania, Kuvajti, Pakistani dhe Arabia Saudite dënuan djegien e Kuranit të Shenjtë nga ekstremi i djathtë Rasmus Paludan në Suedi, transmeton KosovaPost.
Në një deklaratë me shkrim të Ministrisë së Jashtme të Jordanisë , thuhet se ky veprim në Suedi, i cili kërcënon bashkëjetesën paqësore dhe nxit dhunë e urrejtje, e dënojmë ashpër.
Në deklaratë thuhet se është përgjegjësi e të gjithëve të përhapim paqen, të rrisim ndërgjegjësimin për vlerat e tolerancës dhe respektit të ndërsjellë, të shmangim nxitjen e ekstremizmit, inatit dhe urrejtjes.
Ministri i Jashtëm i Kuvajtit, Salim Abdullah al-Jaber al-Sabah , në deklaratën e tij për agjencinë e lajmeve kuvajtiane KUNA, deklaroi se ai dënoi ashpër djegien e Kuranit të Shenjtë nga një politikan i ekstremit të djathtë në Suedi dhe paralajmëroi se veprime të tilla do të provokonin myslimanët.
Në një deklaratë me shkrim të Ministrisë së Punëve të Jashtme të Arabisë Saudite, dënuan ashpër autoritetet suedeze për lejimin e një personi të ekstremit të djathtë për të djegur Kuranin.
Kurse Pakistani, në një deklaratë të Ministrisë së Punëve të Jashtme, thuhet se ky veprim i pandjeshëm dhe provokues ka ofenduar ndjeshmërinë fetare të më shumë se 1.5 miliardë myslimanëve në mbarë botën.
Deklarata i bëri thirrje bashkësisë ndërkombëtare të tregojë një vendosmëri të përbashkët kundër islamofobisë, ksenofobisë, intolerancës dhe nxitjes së dhunës në bazë të fesë dhe besimit, duke theksuar se bota duhet të punojë së bashku për harmoninë ndërfetare dhe bashkëjetesën paqësore.
Duke vënë në dukje se shqetësimet e Pakistanit për këtë çështje iu përcollën autoriteteve suedeze, deklarata i kërkoi Suedisë që të jetë e ndjeshme ndaj ndjeshmërisë së popullit pakistanez dhe myslimanëve në mbarë botën dhe të ndërmarrë hapa për të parandaluar aktet islamofobike./KosovaPost/.
