Presidenti i Federatës Shqiptare të Futbollit (FSHF) Armand Duka sjell në vëmendje sot përmes një mesazhi në Facebook sfidën e Kombëtares shqiptare ndaj Anglisë, duke theksuar besimin për realizimin e ëndrrës së kualifikimit në një kampionat botëror.
“Nisim sot një tjetër sfidë, me besimin se mund të realizojmë një ëndërr! Përballë kemi kundërshtarë të vështirë, duke nisur nga Anglia me të cilën ndeshemi sot në ‘Wembley’. Gjithsesi, kjo nuk duhet të na zbrapsë, por të na motivojë, të na bëjë bashkë dhe të vazhdojmë të jemi frymëzues për shqiptarët kudo që jetojnë”, shkruan ai.
Presidenti i FSHF-së vlerësoi cilësitë dhe shpirtin luftarak të Kombëtares, duke shprehur besimin se ekipi do të japë maksimumin në fushë.
“Në fund mund të bëjmë atë që nuk e kemi bërë asnjëherë, të shkojmë në një Kampionat Botëror. Me besim, këmbëngulje dhe duke qenë një trup i vetëm, gjithçka është e mundur”, përfundon ai.
Sot në mbrëmje duke nisur nga ora 20:45 nis për Shqipërinë ëndrra e Botërorit amerikan. Shqiponjat kuqezi sfidojnë tre luanët anglezë në një “Uembli” të mbushur plot në sfidën e parë të kualifikueseve.atsh.
