Nënkryetarja e PDK-së, Vlora Çitaku, kritikon kryeministrin Kurti se po ndërhyn në zgjedhjet në Maqedoni, ndërsa e quan ndërhyrje brutale, përcjell Kosova Post.
Çitaku , ndërkaq thekson se shqiptarët në Maqedoninë Veriore i kanë dalë hakut Kosovës duke i hapur dyert në ditët më të vështira.
Tutje theksoi ajo se shqiptarët në Maqedoninë Veriore janë faktorë me peshë e janë më meritorët për mirëmbajtjen e kursit euroatlantik të vendit të tyre.”
“E çka bënë Kryeministri dhe Qeveria e Kosovës sot? Ndërhynë brutalisht në zgjedhjet atje, duke përcarë shqiptarët. Duke shpifur e manipuluar”, tha Çitaku.
Postimi i plotë i Vlora Çitakut në Facebook:
Shqiptarët në Maqedoninë Veriore i kanë dalë hakut Kosovës.
Na i kanë hapur dyert dhe zemrat në orët tona më të vështira. Pa kushte.
Për më tepër djem e vajza erdhën dhe me vetmohim luftuan për lirinë tonë. Disa e dhanë edhe jetën.
Dy dekada pas, shqiptarët në Maqedoninë Veriore janë faktorë me peshë. Janë më meritorët për mirëmbajtjen e kursit euroatlantik të vendit të tyre.
E çka bënë Kryeministri dhe Qeveria e Kosovës sot? Ndërhynë brutalisht në zgjedhjet atje, duke përcarë shqiptarët. Duke shpifur e manipuluar.
Seç e ka një mosdurim Kryeministri Kurti për secilin lider politik të UÇK-së.
E turpshme. E mjerë. E rrezikshme.
