Kryeparlamentari Glauk Konjufca ka reaguar një gjykatë në Serbi e dënoi me gjashtë vjet burgim shtetasin kosovar Nezir Mehmetaj për krime lufte kundër popullsisë civile, duke e quajtur këtë si padrejtësi.
Tutje Konjufca kërkon nga bashkësia ndërkombëtare që ta rrisë presionin ndaj Serbisë për këtë rast.
“Sot, pas një arrestimi në vitin 2020, pas një akuzimi dhe procesi të shpikur e arbitrar ndaj qytetarit tonë Nezir Mehmetaj, gjykata në Serbi e ka dënuar atë me 6 vite burg. Mendësia e vjetër e Serbisë që ka kryer gjenocid në Kosovë nuk mund të prodhojë asgjë të re veçse fshehjes së krimeve në njërën anë dhe shpikjes së tyre në anën tjetër. E dënoj fuqishëm këtë padrejtësi dhe kërkoj nga bashkësia ndërkombëtare të rrisë presionin ndaj Serbisë, me zë të qartë kundër kësaj padrejtësie dhe në mbështetje të të drejtave të njeriut”, ka shkruar Konjufca.
