Javën e kaluar u shfaq një video në Telegram dhe në rrjetet e tjera sociale ruse: një grup prej dhjetëra personash të maskuar dhe kamufluar, duke qëndruar në një fushë të mbuluar me borë dhe duke bërë thirrje për ndihm.
“Ne jemi ushtarë të togjeve një, tre, katër të regjimentit 254, kompania e shtatë, batalioni i tretë. Ju lutem na ndihmoni që të përmirësojnë situatën”, thanë ushtarët. “Komandanti ynë dha urdhër që të mos tërhiqemi nga pozicionet tona. Por, ai nuk na dha asnjë siguri dhe mbështetje. Ne kishim vetëm mitraloz dhe të gjitha armët e tjera u dëmtuan”.
“Tani, ata po na akuzojnë për dezertim, pasi komandanti i kompanisë po thotë se ai nuk ka dhënë urdhër”, thanë ata. “Si përfundim, komandantit nuk i intereson për ne”.
Videoja nuk ka datë dhe nuk ka tregues se ku mund të jetë incizuar. Megjithatë, kjo video sugjeron se është realizuar në Ukrainë, apo në ndonjë zonë që përdoret nga forcat ruse për të hyrë në Ukrainë.
Por, ankesa si dhe vendimi i ushtarëve që ta bëjnë publike këtë ankesë, vënë në pah problemet e vazhdueshme me të cilat po përballen dhjetëra mijëra trupa të sapomobilizuara që komandantët rusë kanë vendosur t’i çojnë në vijat e frontit në luftën kundër Ukrainës.