Presidentja e vendit, Vjosa Osmani, në shënimin e Ditës së Mjedisit, përmes një video, bën thirrje për ruajtjen e mjedisit, ndërsa thekson se sfidat për një mjedis të pastër janë të vështira, por secili ka përgjegjësi për të ruajtur mjedisin.
Me pamjet nga bukuritë e Kosovës, presidentja Osmani shprehet se çdo ditë është Dita e Mjedisit dhe se të gjithë duhet të mbrojmë burimet natyyrore që na mundësojnë jetën.
“Ne duhet të veprojmë tani që ta mbrojmë planetin që të gjithë e quajmë shtëpi. Kjo përgjegjësi bie mbi të gjithë ne, individualisht dhe kolektivisht. Ne të gjithë kemi përgjegjësi për t’i mbrojtur burimet natyrore që mundësojnë jetën”, thotë Osmani.
Kujtojm se sot është 5 qershor i cili njihet si Dita Botërore e Mjedisit, e caktuar në vitin 1972, nga Asambleja e Përgjithshme e OKB-së.
