“Telenovela” Lukaku në episodet e fundit. Pas shumë ditësh bisedime dhe negociata, Chelsea dhe Inter kanë rënë dakord për transferimin e sulmuesit belg në Milano.
Sipas asaj që raporton Di Marzio, Klubi italian është pajtur me kërkesën e Bluve të Londrës, e cila kap shifrën e 10 milionë eurove për huazimin + bonuset. Vlen të theksohet se asnjë lojtar nuk do përfshihet në tratativa për ndonjë shkëmbim të mundshëm.
Inter po punon edhe në fronte të tjera. Gjatë javës shpresohet që të mbyllet gjithçka sa i përket firmës me argjentinasin Dybala, por ka optimizëm edhe për një akord të afërt me Empolin për Kristjan Asllanin. Drejtori sportiv, Beppe Marotta ka bërë me dije se të gjitha operacionet do kryhen brenda qershorit.
