Ndërhyrja e Serbisë në regjistrimin e popullsisë në Mal të Zi po tregon efektet e saj. Sot kur u publikuan rezultatet nga ky regjistrim, ‘lufta’ serbe për futjen e gjuhës serbe që të kthehet në shkolla dhe të përdoret zyrtarisht po merr formën e saj.
Kjo pasi sipas rezultateve të regjistrimit të popullsisë të mbajtur në dhjetor të vitit të kaluar, shumica e banorëve të Malit të Zi flasin gjuhën serbe, 43,18 për qind prej tyre (269.307).
Gjuha malazeze pasohet me 34,52 për qind (215,299), dhe në vendin e tretë është boshnjaku, me 6,97 për qind (43,470), njoftoi Administrata e Statistikave (Monstat).
Shqip flitet nga 5,25 për qind (32,725), rusisht nga 2,36 për qind (14,731), serbo-kroatisht nga 2,08 për qind (12,999).
Kombi i vogël ballkanik me pak më shumë se 600,000 banorë ka një komunitet të madh etnik serb. E para rezultateve, në Mal të Zi nisi frika se forcat pro-ruse mund të përpiqen të shtojnë numrin e njerëzve që identifikohen si serbë.
Nikola Rakoçeviç deputet i Partisë Nacionaliste Malazeze u shpreh se Vuçiç tha në televizion se regjistrimi i popullsisë në Mal të Zi është një nga çështjet kyçe për interesin jetik të Serbisë.
Sikurse ky i fundit, edhe shumë analistë tjerë, u shprehën se regjistrimi i popullsisë është kërkuar nga partitë pro-serbe.
Partitë pro-serbe dhe pro-ruse patën shtuar kërkesat për ndryshimin dhe plotësimin e Kushtetutës së Malit të Zi, posaçërisht tek nenet që kanë të bëjnë me identitetin, siç janë gjuha dhe simbolet shtetërore. Në anën tjetër përfaqësuesit e opozitës malazeze vlerësonin se këto kërkesa janë në vazhdën e ideologjisë së “botës serbe” dhe në shërbim të politikës nacionaliste të Beogradit.
Kryetari i parlamentit Andrija Mandiç tha se “pas daljes së rezultateve të regjistrimit të popullsisë do të këmbëngulim që të ketë një ndryshim në Kushtetutë ku gjuha serbe të barazohet me gjuhën malazeze”.
Partitë pro-ruse dhe pro-serbe atëkohë besojnë se rezultati i regjistrimit do të tregojë se gjuha serbe përfaqësohet nga shumica e popullsisë në Malin e Zi, ku sipas tyre, “gjuha serbe duhet të jetë gjuhë zyrtare dhe jo si më parë gjuhë në përdorim zyrtar”.
Përfaqësuesit e Partisë Demokratike të Socialistëve të ish-presidentit Milo Gjukanoviç thanë se “kërkesat e partive pro-serbe në Mal të Zi janë në vazhdën e ideologjisë së ‘botës serbe’ që ka për qëllim konfrontimin me shtetet fqinje në rajon”, shkruan gazeta express.Kryetari i kësaj partie Danijel Zhivkoviç citohet të ketë thënë se “është tejet e ulët dhe antishtetërore veprimet e partive pro-serbe, të cilat vazhdojnë ti përshtaten politikës nacionaliste dhe shoviniste të Beogradit”.
