Eksperti i ligjit kushtetues, Durim Berisha, në 15-vjetorin e miratimit të Kushtetutës ka thënë se ky dokument nuk ka kaluar në asnjërën nga fazat e procesit kushtetutbërës.
Sipas tij, këtij procesi gjithmonë i paraprin themelimi i një asambleje kushtetuese e cila legjitimohet me qëllimin e vetëm që të hartohet dokumenti kushtetues, e çka në rastin e Kosovës nuk ka ndodhur.
“Ajo paraqet nje modifikim te Pakos se Ahtisaarit. Ajo nuk pasqyron vullnetin e sovranit per rendin kushtetues dhe kornizat e tij. Ajo nuk eshte miratuar nga sovrani dhe nuk pasqyron pothuajse fare shoqerine kosovare. Per me teper, ajo eshte miratuar nga Kuvendi ne kuader te Institucioneve te Perkohshme te Veteqeverisjes te Kosoves, organ qe nuk ka qene i pajisur me nje kompetence kushtetutedhenese. Madje ky organ s’ka pasur fuqi as Kornizen Kushtetuese ta ndryshoje, e lere te miratoje nje kushtetute per Republiken e Kosoves”, e ka përshkruar Berisha Kushtetutën e Kosovës.
Berisha tutje ka shkruar se “tragjedine kushtetuese te Kosoves e ka vulosur pastaj Gjykata Kushtetuese e Kosoves me “interpretimet” joprofesionale duke e shtremberuar edhe me shume nje “dokument” qe edhe ashtu karakterizohet me mangesi e teksti i saj me formulime te paqarta e kunderthenese.”
Ish-këshilltari i kryeministrit Kurti ka rekomanduar që Kushtetuta aktuale e cila sipas tij është modifikim i Pakos të Ahtisaarit, të zëvendësohet me një Kushtetutë të mirëfilltë.
“Zevendesimi i ketij versioni te Pakos se Ahtisaarit permes nje Kushtetute te mirefillte do te duhej te ishte prioritet i grupeve politike n’Kosove. Respektimi i procedurave dhe vullnetit te sovranit si parakusht kryesor”, ka shkruar Berisha.
