Derisa Rusia po vazhdon luftën ndaj Ukrainës dhe e gjithë bota po kërkojnë sanksione ndaj Rusisë, është një serb që ëndërron dhe vazhdon ta vizitojë Moskën me shpresën që të takohen me presidentin rus Vladimir Putin.
Presidenti i RS Milorad Dodik njoftoi për Sputnik se do të marrë pjesë në Forumin Ekonomik të Shën Petersburgut dhe shpreson të takohet me presidentin rus Vladimir Putin, si dhe me ministrin e jashtëm rus Sergei Lavrov.
Dodik madje foli në emër të të gjithë Bosnje dhe Hercegovinës.
Ai premtoi paras mediave ruse se RS nuk do të lejojë që BeH të vendosë sanksione ndaj Moskës në nivelin e të gjithë vendit.
“Në nivel të shtetit të Bosnjës dhe Hercegovinës, nuk ka asnjë vendim për vendosjen e sanksioneve, gjegjësisht nuk janë vendosur zyrtarisht sanksionet kundër Rusisë. Konfirmimi më i mirë i kësaj është takimi im i fundit me zyrtarë të lartë evropianë, të cilët pyetën se kur do të vendosim sanksione ndaj Rusisë për herë të parë? Kjo do të thotë se nuk ka sanksione dhe ne do të vazhdojmë ta bëjmë, edhe pse është një pozicion shumë i vështirë”, theksoi Dodik.
Sipas tij, Perëndimi kërkon çdo ditë nga RS që të mbështesë sanksionet kundër Rusisë.
“Nuk mund t’u jem mirënjohës amerikanëve që as nuk duan të dëgjojnë se çfarë mendojmë ne, por po përpiqen të vendosin. Ky është thelbi i problemit, ata nuk flasin me ne, por vendosin për ne”, nënvizoi Dodik.
Gjithashtu, presidenti i RS tha se shpreson që në margjinat e “Forumit Ekonomik Ndërkombëtar”, i cili do të mbahet nga 5-8 për t’u takuar me Putinin dhe Lavrovin në Shën Petersburg në qershor,shkruan gazeta express.Dodik ka shumë vite që merr pjesë në forum.
