Federata e Sindikatave të Shëndetësisë së Kosovës, bashkë me dy nënkryetarët dhe Përfqësuesen e Regjionit Sindikal të Mitrovicës takuan Këshillin Grevist të Sindikatës së Pavarur të Minatorëve të Trepçës.
Ata gjatë takimit u njoftuan më përsëafërmi me gjendjen e përgjithshme të Grevistëve pas 27 ditëve në Grevë të cilëve FSSHK-ja thotë se iu ofroi ndihmë dhe mbështetje morale, duke i përkrahur kërkesat dhe veprimet e tyre.
“Për FSSHK është e papranueshme dhe e patolerueshme situata me kushtet e punës së Minatorëve,me mjetet themelore të punës me afat të skaduar dhe pa pajisje personale adekuate për punë”, thuhet në njoftim.
“E drejta në pagë është e garantuar me Kushtetutë dhe Ligjin e Punës, mos pagesa e Minatorëve për dy muaj rresht nuk ka asnjë justifikim, përpos mungesë e menaxhimit dhe funsksionimit nga ana e menaxhmentit të Trepçës”, thekson tutje njoftimi zyrtar.
“FSSHK kërkon nga qeveria dhe menaxhmenti i Trepçës që të gjindet një zgjidhje afatgjate për daljen nga kriza në mënyrë që Minatorët të kthehen në vendin e punës të qetë dhe pa brenga”.
