Ministrja e Jashtme e Kosovës, Donika Gërvalla, përmes një shkrimi në llogarinë e saj në Twitter¸ ka thënë se qeveria nuk do ta shkelë kurrë Kushtetutën. E kjo nuk do të ndodhë as kur e kërkojnë miqtë më të ngushtë, përcjell KosovaPost.
Përkundër që nuk është ligjore, ambasadorët e Quint-it sot kërkuan nga qeveria e Kosovës që ta lejojë Serbinë të mbajë referendumin e saj edhe në territorin e Kosovës.
Kjo gjë u kundërshtua nga qeveria, e vendimi i tyre u mbështet edhe na opozita.
Ministrja e Jashtme garantoi se përkundër aleatëve më të ngushtë të Kosovës, siç janë shtetet e Quint-it, Kushtetuta nuk do të shkelet kurrë.
“Kjo qeveri kurrë nuk do ta shkelë Kushtetutën, as kur kërkohet nga miqtë më të ngushtë”, ka shkruar Gërvalla.
Kryediplomatja e vendit gjithashtu shkroi se këtë ‘ua kemi borxh viktimave dhe heronjve për sakrificat për pavarësi e sovranitet, po edhe për qytetarët që kurrë më mos ta lejojmë cenimin sovranitetit tonë”.
