Të hënën është raportuar për një rast grabitje në parkingun e një qendre tregtare, ku katër persona të dyshuar kanë shtënë me armë zjarri në drejtim të tre viktimave punëtorë të kompanisë për bartjen e parave.
Sipas raportit 24 orësh të Policisë së Kosovës bëhet e ditur se si pasojë e të shtënave nga arma e zjarrit lëndime trupore kanë pësuar njëri nga viktimat i cili është dërguar për tretman mjekësor në QKUK, në Prishtinë, si dhe një i dyshuar.
Tutje thuhet se të dyshuarit tjerë kanë ikur me një veturë në drejtim të panjohur.
Grabitja e armatosur në Prishtinë ku u plagos një person, deklarohen nga Prokuroria
Në raport thuhet se në vendin e ngjarjes janë gjetur dhe sekuestruar një armë e zjarrit me një karikator dhe pesë fishekë.
“I dyshuari është arrestuar dhe është dërguar në QKUK për tretman mjekësor”, thuhet në raport.
