Kandidati i PDK-së për Kryeministër, Bedri Hamza, vazhdon takimet elektorale, ndërsa sot ka takuar pensionistët me të cilët edhe ka luajtur lojë shahu.
Ndërsa luajti shah ai gjatë bashkëbisedimit ka premtuar se në qeverisjen e tij, asnjë pension nuk do të jetë nën 200 euro.
Hamza ka thënë se pensionin bazik do ta rris për 70% dhe pensionet kontributdhënëse do të rriten dhe përshkallëzohen sipas viteve të punës.
“Një lojë e mrekullueshme shahu me pensionistin Sylejman Hajdini. Në qeverisjen time, asnjë pension nuk do të jetë nën 200 euro. Pensionin bazik do ta rris për 70% dhe pensionet kontributdhënëse do të rriten dhe përshkallëzohen sipas viteve të punës.
Ai ka theksuar se respekti dhe vlerësimi i shtetit për të moshuarit që i kanë përcjellë vlerat më të mira te gjeneratat e reja është obligim dhe do të jetë i garantuar.
