Kryetari i AAK-së, Ramush Haradinaj, kujton bashkëluftëtarët e rënë më 5 prill 1999, si dhe viktimat e masakrës së Rezallës e Llovcë të Gjilanit, përcjell Kosova Post.
Ndërsa kujtoi dëshmorët i pari i AAK-së tha se betejat e Luftës Çlirimtare u shënuan me emrin dhe heroizmin e dëshmorëve të kombit.
Ai poashtu tha se “Kujtojmë po ashtu jetët e pafajshme që forcat e regjimit të Millosheviqit i rrëmbyen në Rrezallë të Drenicës dhe në Llovcë të Gjilanit”.
Për më tepër ai tha se “Sot kujtojmë një nga trimat e rrallë që kishte Ushtria Çlirimtare e Kosovës, nismëtarin e lirisë, Naser Brahimaj – Bardheci. Me pushkën e tij u shënuan shumë beteja të luftës çlirimtare”, tha Haradinaj, duke kujtuar kështu edhe dëshmorët tjerë të kësaj date.
Postimi i plotë i Haradinajt në Facebook:
Betejat e Luftës Çlirimtare u shënuan me emrin dhe heroizmin e Dëshmorëve të Kombit. Sot kujtojmë një nga trimat e rrallë që kishte Ushtria Çlirimtare e Kosovës, nismëtarin e lirisë, Naser Brahimaj – Bardheci. Me pushkën e tij u shënuan shumë beteja të luftës çlirimtare.
Në përvjetorin e rënies, kujtojmë po ashtu bashkëluftëtarët; Qazim Shala, Asllan Batusha dhe Arsim Rama.
Sot gjithashtu bëhen 5 vjet pa bashkëluftëtaren time, zërin e ushtrisë çlirimtare dhe të ndërgjegjes së popullit, Fetnete Ramosaj.
Kujtojmë po ashtu jetët e pafajshme që forcat e regjimit të Millosheviqit i rrëmbyen në Rrezallë të Drenicës dhe në Llovcë të Gjilanit.
Përulemi para sakrificës së atyre që dhanë nga jeta e tyre për lirinë tonë! Respekti për ta forcon themelet e lirisë dhe shtetit të Kosovës!
Lavdi!
