Kreu i Aleancës për Ardhmërinë e Kosovës, Ramush Haradinaj është pritur në takim në ShBA nga senatori amerikan, Gary Peters.
Me anë të një postimi në Facebook, Haradinaj i ka shprehur Petersit nevojën urgjente të anëtarësimit të Kosovës në NATO, përcjell KosovaPost.
“Në një pritje të ngrohtë nga senatori amerikan Gary Peters, kemi diskutuar hapur lidhur me rikthimin e Kosovës në marrëdhënie strategjike me Shtetet e Bashkuara të Amerikës, si dhe nevojën urgjente të anëtarësimit të Kosovës në NATO, sipas Planit Aksional për Antarësim”, tha Haradinaj.
“Një pjesë e rëndësishme e bisedës sonë kishte të bënte me rolin e komunitetit shqiptaro-amerikan në forcimin e urave të bashkëpunimit me theks të posaçëm – Mërgata Shqiptare në Michigan”, tha Haradinaj.
