Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 20 janar, shkruan Kosova Post.
20 janar 1921 – Kuvendi i Madh Popullor i Turqisë miratoi kushtetutën e parë apo ligjin themelor të Republikës së Turqisë, njohur zyrtarisht me emrin “Teşkilat-ı Esasiye Kanunu”. Ai ishte një dokument i thjeshtë i përbërë nga vetëm 23 artikuj të shkurtër dhe merrte për bazë parimin e “Unitetit të Pushteteve”. Më 29 tetor 1923, kushtetutës iu shtua edhe një artikull tjetër për të deklaruar dhe shpallur botërisht se Turqia është republikë. Në prill të vitit të ardhshëm ajo u zëvendësua me një dokument krejtësisht të ri, i njohur si Kushtetuta e 1924-s.
20 janar 1981 – Përfundoi kriza e pengjeve ndërmjet Iranit dhe Shteteve të Bashkuara të Amerikës. Teherani zyrtar njoftoi lirimin e 52 shtetasve amerikanë që mbaheshin peng prej 444 ditësh.
20 janar 1990 – Ushtria e Kuqe hyri në Baku pas shtetrrethimit të shpallur në rajon nga ish-Bashkimi Sovjetik në vazhdën e tensionit ndërmjet Azerbajxhanit dhe Armenisë. Gjatë këtij pushtimi, i cili njihet historikisht si “Masakra e Janarit”, “Janari i Zi” apo “E Shtuna e Zezë”, humbën jetën mbi 100 turq azerbajxhanas dhe u plagosën rreth 800 të tjerë.
20 janar 2018 – Forcat e Armatosura të Turqisë filluan Operacionin “Dega e Ullirit” në zonën e Afrinit, në Siri, për shkak të paqëndrueshmërisë dhe kërcënimit terrorist në rritje përgjatë kufirit turko-sirian.
1887 – Senati amerikan miraton marrjen me qira të bazës detare Pearl Harbor në Hawaii. Ishte sulmi japonez ndaj kësaj baze (7 dhjetor 1941), që do të detyronte SHBA-në të hynte në Luftën e dytë Botërore. Hawaii (Ishull i Madh), në atë kohë nuk ishte pjesë e Shteteve të Bashkuara. Hawaii do të pranohej në Bashkim më 21 gusht 1959. Shteti Hawaii përbëhet nga qindra ishuj të vegjël në oqeanin Paqësor.
1961 – Xhon Kenedi në moshën 43 vjeçare inagurohet për kryetar të SHBA-ve, e që ishte kryetari më i ri në historinë e SHBA-ve.
1981 – Ronald Reagan bëhet presidenti më i moshuar amerikan. Ai ishte 69 vjeç e 349 ditë kur u përurua president më 20 janar 1981.
