Ministrja e Drejtësisë, Albulena Haxhiu, ka takuar ushtruesin e detyrës së Kryeprokurorit të Shtetit, Besim Kelmendin, përcjell KosovaPost.
Në këtë takim është diskutuar për “çështje të interesit të përbashkët e që ndërlidhen me deklaratën e zotimeve për reformën në drejtësi, zbatimin e Ligjit për parandalim dhe mbrojtje nga dhuna në familje dhe me bazë gjinore, rëndësinë e rritjes së numrit të mbrojtësve të viktimave, objektet e prokurorive në Mitrovicë dhe Prizren dhe çështje të tjera që ndërlidhen me përgjegjësitë tona institucionale.
