Një operacion i gjerë policor i zhvilluar nga Policia e Kosovës në bashkëpunim me Prokuroria Themelore në Mitrovicë ka rezultuar me arrestimin e 34 personave të dyshuar për përfshirje në skema piramidale dhe organizim të bixhozit të paligjshëm.
Në njoftim thuhet se aksioni është realizuar në disa rajone të vendit, përfshirë Mitrovicë, Vushtrri, Istog dhe Skenderaj, ku janë kontrolluar rreth 50 lokacione, duke përfshirë lokale afariste dhe shtëpi private.
Sipas njoftimit, gjatë operacionit janë sekuestruar prova të shumta materiale, përfshirë rreth 170 mijë euro para të gatshme, pesë automjete, armë zjarri si dhe pajisje të tjera që dyshohet se janë përdorur për zhvillimin e aktiviteteve të kundërligjshme.
Me vendim të prokurorit kompetent, 29 nga të dyshuarit janë dërguar në mbajtje, ndërsa të tjerët janë liruar në procedurë të rregullt.
Veprime të ngjashme janë ndërmarrë edhe nga njësitë rajonale policore, përfshirë në Skenderaj, ku janë kontrolluar 15 lokacione dhe janë arrestuar 8 persona, prej të cilëve 4 janë dërguar në mbajtje.
Ky operacion konsiderohet si një ndër aksionet më të mëdha të kohëve të fundit në luftën kundër krimit të organizuar dhe aktiviteteve ilegale, duke reflektuar angazhimin e institucioneve për ruajtjen e rendit juridik dhe sigurisë publike në vend.
–>
