Deputeti i VV’së, Dimal Basha ka folur pasi zëvendësministri i Zhvillimit Rajonal, Almir Veliji dyshohet se është përfshirë në një aferë ryshfeti.
Basha në emisionin ‘dPt te Fidani’ në T7 tha se Veliji nuk është zv.ministër i VV’së, ai thotë se është propozuar nga deputetja Duda Balje.
“Zv.ministri nuk është zv.ministri i VV’së, por vjen nga një subjekt i partive minoritare në Kosovë. Nëse s’gaboj është propozim i Duda Baljes”.
Tutje, Basha tha se nëse ‘Veliji ka bërë diçka të paligjshme, do ta dërgojë vetë në burg’.
Po ashtu, deputeti i VV’së thotë se do ta adresojë këtë tek kryeministri Kurti sapo ai të arrijë në Kosovë.
“Nëse ka diçka, ai djali ka bo diçka të paligjshme, unë me kerr tem në burg e qoj. Çdo kush që prek ckado në qeveri, s’ka rëndësi edhe baba jem me kon, unë me kerr tem në burg e qoj. Nëse ka diçka që është e paligjshme, patjetër që kryeministri do të reagojë. Besoj se si vjen në Kosovë do ta adresojë”.
