I dërguari i posaçëm i presidentit amerikan Donald Trump tha të hënën se udhëheqësi rus Vladimir Putin ishte i hapur për një marrëveshje “paqeje të përhershme” me Ukrainën, pas bisedimeve që synojnë t’i japin fund luftës më shumë se trevjeçare.
Trump ka ushtruar presion ndaj Moskës dhe Kievit për të rënë dakord për një armëpushim, por nuk ka arritur të nxjerrë ndonjë lëshim të madh nga Kremlini, pavarësisht negociatave të përsëritura midis zyrtarëve rusë dhe amerikanë.
Të premten, i dërguari i posaçëm i Trump, Steve Witkoff u takua me Putinin në Shën Petersburg – takimi i tretë i tyre i tretë që kur lideri republikan u kthye në Shtëpinë e Bardhë në janar.
Witkoff tha gjatë një interviste televizive për Fox News të hënën se ai sheh një marrëveshje paqeje që “shfaqet” dhe se dy këshilltarët kryesorë të Putinit – Yuri Ushakov dhe Kirill Dmitriev – ishin në “takimin bindës”.
“Kërkesa e Putinit është që të kemi një paqe të përhershme. Pra, përtej armëpushimit, ne morëm një përgjigje për këtë”, citohet të ketë thënë Witkoff, duke pranuar se “u desh pak kohë për të arritur në këtë pikë”.
“Unë mendoj se ne mund të jemi në prag të diçkaje që do të ishte shumë, shumë e rëndësishme për botën në përgjithësi”, ka shtuar ai.
Ai shtoi se marrëveshjet e biznesit midis Rusisë dhe Shteteve të Bashkuara ishin gjithashtu pjesë e negociatave.
“Unë besoj se ka një mundësi për të riformuar marrëdhëniet ruso-SHBA përmes disa mundësive tregtare shumë bindëse, që mendoj se i japin stabilitet real edhe rajonit”, tha ai.
Pavarësisht nga një stuhi e diplomacisë, ka pasur pak përparim domethënës në qëllimin kryesor të Trump për arritjen e një armëpushimi në Ukrainë, shkruan telegrafi.Putin muajin e kaluar hodhi poshtë një propozim të përbashkët SHBA-Ukrainë për një pauzë të plotë dhe të pakushtëzuar në konflikt, ndërsa Kremlini e ka kushtëzuar armëpushimin në Detin e Zi me heqjen e sanksioneve të caktuara nga Perëndimi.
