Dëshmitari Hansjeorg Strohmeyer, ka thënë në Hagë se në kohën kur ka punuar si këshilltar juridik i UNMIK-ut në Kosovë gjatë 1999-ës, e ka takuar një apo dy herë Rexhep Selimin.
Megjithatë, ai ka thënë se në atë kohë ka mundur që ta dijë rolin e Selimit, por që tashmë nuk i kujtohet.
“Mbasi edhe e kam ditur por tani nuk me kujtohet”, ka thënë ai, raporton “Betimi për Drejtësi”.
Ai gjithashtu është pyetur nëse ka marrë pjesë në ndonjë ngjarje konkrete për të cilën dëshmitari ka njohuri.
“Sot nuk me kujtohet diçka e tillë”, ka thënë ai.
Më pas, Eric Tully, avokat i Rexhep Selimit Tully është fokusuar tek rregullorja e UNMIK-ut lidhur veprimet policore që u kryenin gjatë kohës së operimit në Kosovë.
“Kur kam qenë unë atje as nuk kemi pas rregullore e as forcë policore. Për ne ishte KFOR-i dhe autoriteti që i kryente arrestimet në bazë të rregullores së tyre dhe filluan që të na nxisnin ne që t’i kryenim më pas që të krijohej një formë e institucioni të ngjashëm me gjykatën në mënyrë që t’i trajtonim këto situata sepse situata ishte disi emergjente”, ka thënë Strohmeyer.
Ai ka thënë se rregullorja e UNMIK-ut është harruar më pas dhe nuk ka qenë në fuqi në kohën që po flet ai.
Për këtë, Tully i ka thënë dëshmitarit se kanë pasur problematika me arrestimet e KFOR-it dhe procesin e rregullt gjyqësor.
Pas disa pyetjeve lidhur me këtë rregullore, seanca ka kaluar në sesion privat për publikun.
