Ish-pjesëtari i Ushtrisë Çlirimtare të Kosovës, Rexhep Selimi sot mbush 54-vjet, ndërsa vazhdon të mbahet në paraburgim në Hagë që nga viti 2020.
E me rastin e ditëlindjes, Rexhep Selimit për vizitë i kanë shkuar bashkëshortja e tij, Shqipe Mehmeti Selimi dhe koordinatorja e Lëvizjes Vetëvendosje, Dejona Mihali.
Kjo u bë e ditur nga Milali e cila ka publikuar fotografi nga vizita në Hagë, ndërsa shprehet se Selimi është çlirimtar prej së vërteti.
“Sot ia urojmë ditëlindjen e 54 shokut tonë Rexhep Selimi. Të presim sa më parë për ta rifilluar aktivitetin aty ku ta ndërprenë padrejtësisht. Të rrallë janë ata që kanë ditur historikisht ta mbrojnë pa bujë, pa vetmburrje, pa kërkimshpërblime, pa glorifikime e pa teprime pjesëmarrjen dhe drejtimin në luftëra të mëdha të popujve ku bëjnë pjesë”, ka shkruar ajo.
Tutje, Mihaili thekson se “Rexhep Selimi është padyshim më i shkëlqyeri ndër ta. Çlirimtar prej së vërteti”.
