Ish-krerët e UÇK-së, Hashim Thaçi, Kadri Veseli, Jakup Krasniqi e Rexhep Selimi, kanë dërguar një letër në drejtim të gjyqtarëve të Gjykatës Speciale, ku janë ankuar për mos gjykim të drejtë.
“Marrja në pyetje nga gjyqtarët po krijon përshtypjen se Paneli nuk e konteston çështjen e Prokurorisë, por në vend të kësaj po përdor pjesën më të madhe të kohës dhe po drejton shumicën e pyetjeve drejt temave fajësuese, duke krijuar përshtypjen e qartë se nuk po respektohet prezumimi i pafajësisë së të akuzuarve. Të katër të akuzuarit me këtë shënojnë zyrtarisht kundërshtimin e tyre për mënyrën se si është kryer marrja në pyetje nga gjyqtarë gjatë gjithë kohës ne këtë gjykim, dhe pohojnë se të drejtat e tyre të gjykimit të drejtë dhe të drejtat për një gjykim të pavarur dhe të paanshëm janë shkelur”, thuhet në një pjesë të letrës të cilën e ka publikuar, Shkelzen Dragaj i cili ka qenë këshilltar i Kadri Veselit në kohën ku ky ishte kryetar i Kuvendit.
