Protestat kundër reformës gjyqësore të qeverisë së koalicionit të ekstremit të djathtë në Izrael të kryesuar nga kryeministri Benjamin Netanyahu vazhduan në javën e 35-të, transmeton Anadolu.
Izraelitët të cilët zhvillojnë protesta masive çdo javë në mbrëmjen e të shtunës kundër rregullores së diskutueshme gjyqësore të qeverisë Netanyahu dhe politikave të djathta, zbritën sërish në sheshet në mbarë vendin, kryesisht në Tel Aviv në javën e 35-të të protestave.
Sipas lajmit të Transmetuesit Publik Izraelit (KAN), dhjetëra mijëra izraelitë u mblodhën në bulevardin Kaplan në tel Aviv. Ndërsa policia pas fillimit të protestave mbylli për trafikun disa rrugë kryesore në Tel Aviv.
Mijëra persona që u mblodhën në qytetet Haifa dhe Hadera si dhe para shtëpisë së presidentit Isaac Herzog në Kuds protestuan kundër rregullores së gjyqësorit.
– Rregullorja e diskutueshme gjyqësore
Pavarësisht protestave masive dhe diskutimeve intensive publike në të gjithë vendin, qeveria e Netanyahut në një seancë parlamentare më 24 korrik e cila u bojkotua nga opozita, miratoi projektligjin që do të heqë kontrollin e Gjykatës së Lartë mbi qeverinë.
Gjykata e Lartë njoftoi se do të diskutojë në shtator dy ligjet e miratuara nga Parlamenti për reformën e gjyqësorit. Emra të cilët kanë qenë në detyra të nivelit të lartë në politikë, ushtri, siguri, ekonomi dhe gjyqësor në Izrael, kanë deklaruar se janë kundër rregullores gjyqësore të qeverisë.
Lëvizja e protestave kundër rregullores gjyqësore të qeverisë së Netanyahut, vazhdon protestat prej rreth 8 muajsh.
