Kryeministri i vendit, Albin Kurti ka pritur kryetarin e komuneës së Skenderajt, Bekim Jasharin, bashkë me humanistin, Halil Kastrati.Kryeministri i Republikës së Kosovës, Albin Kurti, priti sot në një takim të përbashkët kryetarin e Komunës së Skenderajt, Bekim Jashari dhe përfaqësuesit e Shoqatës Bamirëse “Jetimat e Ballkanit”, hoxhën e nderuar Halil Kastrati, shkruan Kosova Post.
Gjatë këtij takimi, Jashari ka uruar Kurtin për marrjen e detyrës si dhe për ndërtimin e institucioneve të dala nga zgjedhjet e 14 shkurtit.
“Bashkë me hoxhën e nderuar, Halil Kastrati, takuam edhe Kryeministrin e Republikës së Kosovës, Albin Kurti, të cilin edhe një herë e uruam për marrjen e përgjegjësisë së re, në udhëheqje të shtetit”, ka shkruar Jashari në Facebook.
Postimi i plotë:
Bashkë me hoxhën e nderuar, Halil Kastrati, takuam edhe Kryeministrin e Republikës së Kosovës, Albin Kurti, të cilin edhe një herë e uruam për marrjen e përgjegjësisë së re, në udhëheqje të shtetit.
Me kryeministrin Kurti biseduam rreth situatës pandemike në vend, nivelin e papunësisë e varfërisë dhe nevojën urgjente për t’u marrë seriozisht me këto sfida aspak të lehta.
Nga Kryeministri Kurti kërkova mbështetje për komunën tonë, në realizim të projekteve të ndryshme, në veçanti projekteve në ujësjellës, kanalizim, trajtim të ujërave të zeza etj.
Poashtu kërkova që të kemi rishikim të procedurave për investitorët dhe kështu të evitohen procedurat e tmerrshme burokratike që zgjasin me vite për një investim e që fatkeqësisht krijojnë zhgënjim dhe ikje të investitorëve.
