Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 21 janar, shkruan Kosova Post.
21 janar 1522 – Perandoria Osmane ngadhënjeu mbi Rodin. Ushtria osmane nën komandën e Sulltan Sulejmanit të Madhërishëm, i njohur botërisht edhe si “Ligjbërësi”, mori kontrollin e ishullit strategjik në Mesdheun Lindor duke u imponuar Kalorësve të Rodit edhe një marrëveshje 9-pikëshe, përmes të cilës ata i dorëzuan turqve gjithashtu administrimin e Dodekanezit.
21 janar 1924 – Vladimir Lenini, lider i Revolucionit të Tetorit dhe themelues i Bashkimit të Republikave Socialiste Sovjetike (BRSS), vdiq në Moskë në moshën 53-vjeçare.
21 janar 1996 – Yasser Arafati, fitues i zgjedhjeve të para në Palestinë, filloi zyrtarisht mandatin e tij presidencial.
21 janar 2017 – Ndryshimi kushtetues që instaloi Sistemin e Qeverisë Presidenciale në Turqi, u miratua me 339 vota në Kuvendin e Madh Popullor të Turqisë. Ky amendament kushtetues me 18 nene rregulloi sërish zgjedhjet, detyrat dhe kompetencat presidenciale, ngriti në 5 vite mandatin e deputetëve dhe çoi në 600 numrin e tyre.
1925 – Republika e parë shqiptare: Ahmet Zogu thirri në Tiranë Asamblenë Kombëtare, mbi të cilën kontrolli i tij ishte thuajse i plotë, për të debatuar mbi miratimin e një kushtetute republikane. 62 nga 64 deputetë u bindën për të votuar në favor të një sistemi të tillë qeverisës. Kështu, Republika shqiptare u shpall, me Zogun si President, duke zevendësuar Regjencën 4-anëtarëshme, e dalë nga Kongresi I Lushnjes (1920), e cila u shfuqizua.
1861 – Lufta Civile Amerikane: Jefferson Davis jep dorëheqjen nga Senati i Shteteve të Bashkuara, dhe shkon në Riçmond për t’u bërë President i Konfederatës së shtete kundërshtare të Bashkimit gjatë Luftës Civile (1861-1865). Davis ishte diplomuar nga Akademia Ushtarake në Uest Point. Në Luftën amerikane – meksikane, ai ishte kolonel i një regjimenti vullnetarësh. Më pas shërbeu si Sekretar i Luftës (sot Sekretar i Mbrojtjes) nën presidentin Franklin Pierce (1953 – 1857), dhe pastaj si senator demokrat i Mississippit. Plantacion i tij në Misisipi varej nga puna e skllevërve. Si senator, ai mbrojti idenë se çdo shtet është sovran dhe ka të drejtë të padiskutueshëm të shkëputet nga Bashkimi kur sovraniteti shkelet. Historianët thonë se gjatë luftës civile amerikane, Davis u tregua një udhëheqës shumë më pak efektiv sesa homologun e tij i Bashkimit, Abraham Lincoln . Pas luftës, Davis u kap më 1865; dhe u akuzua për tradhti, por nuk u gjykua; ai u lirua pas dy vjetësh; dhe vetëm nga fundi i viteve 1880, filloi të inkurajojë pajtimin jug – veri, duke u bërë thirrje jugorëve për të qenë besnikë ndaj Bashkimit.
2006 – Vdiq dr. Ibrahim Rugova, president i Kosovës (l. 1944)