Ministria e Mjedisit, Planifikimit Hapësinor dhe Infrastrukturës (MMPHI), nëpërmjet një komunikate për media ka bërë të ditur se kanë përfunduar me sukses punimet në rrugët regjionale për Brezovicë e Prevallë, transmeton Kosova Post.
“Kanë përfunduar me sukses punimet e rrugëve Regjionale për Brezovicë e Prevallë, në gjatësi prej 35 km” – thuhet në njoftim.
Më saktë, ministria njofton se për cilat segmente bëhet fjalë:
-Rekonstruimi i rrugës Regjionale Gërlicë e Epërme – Shterpcë – Brezovicë, Lot 1, gjatësia 15.3 km.
-Rehabilitimi i rrugës Regjionale R115 Brezovicë – Prevallë, gjatësia 10.7 km.
-Rehabilitimi i rrugës Regjionale R210 Brezovicë – Qendra e Skijimit, gjatësia 9.2 km.
Sipas ministrisë, rëndësia strategjike e punimeve të Rrugës së Brezovicës e Prevallës, lidhet më përmirësimin e cilësisë së jetës së qytetarëve që jetojnë në këtë zonë, me theks të veçantë me rritjen e mëtutjeshme të turizmit, si parakusht për nxitjen e aktiviteteve të ndryshme sportive e rekreative, e po ashtu edhe me rritjen e të ardhurave për familjet vendase e bizneset në përgjithësi./KosovaPost/
