Në Qendrën e Numërimit dhe Rezultateve po vazhdon procesi i numërimit të fletëvotimeve nga votimi jashtë Kosovës, saktësisht nga votimi në përfaqësi diplomatike.
Të dhënat e fundit nga Komisioni Qendror i Zgjedhjeve të përditësuar dje në orën 23:48, tregojnë se Lëvizja Vetëvendosje është duke prirë me 81.89 për qind të votave.
Më i votuari është kandidati për kryeministër, Albin Kurti, ku deri tani ka marrë 2 mijë e 886 vota.
I dyti është Glauk Konjufca me 2 mijë e 510 vota. Konjufcen e pason Hekuran Murati me 1 mijë e 544 vota.
Xhelal Sveçla renditet i katerti me 1 mijë e 503 vota nga diaspora. Kurse e pesta më e votuar nga diaspora është Albulena Haxhiu me 1 mijë e 489 vota.
