Teksa është afruar dita e zgjedhjeve, partitë politike po vazhdojnë të kenë agjendë të ngjeshur edhe këto dy ditë fushate.
Nga ora 19:00 Lëvizja Vetëvendosje mban tubim përmbyllës të fushatës në sheshin ”Skënderbeu”, Prishtinë.
Kandidati për kryeministër i Partisë Demokratike të Kosovës, Bedri Hamza, sot nga ora 16:00 viziton një kompani në Suharekë, duke vazhduar pastaj takimin me banorët e Rahovecit nga ora 18:00.
Nga ana tjetër, kandidati për kryeministër nga radhët e LDK-së, Lumir Abdixhiku sot nga ora 18:00 mban tubim elektoral në Podujevë.
E koalicion për “Kosovën Fituese”, sot viziton Rahovecin, dhe mban tubim zgjedhor në Gjakovë nga ora 18:00. Nuk do të mungojnë as tubimet e tjera në fshatra, lagje qytetesh e bashkësi lokale.
Po ashtu sot nga ora 19:00 Koalicioni për Familjen mban tubim përmbyllës zgjedhor.
